الاغتصاب الجنسى والسكوت خوفنا من الفضيحه

انا جايه انهارده اتكلم عن موضوع ممكن يكون حصل لبنات كتير ولسه كاتمين سر هذا الحدث
لكن ممكن بنت لما تقرا كلامى ممكن تتكلم ومش تسكت عن حقها
لانها لما تسكت عن حقها بنت تانى هتقع فى نفس المشكله ده مع شاب تانى مش محترم
فى يجب على كل بنت ان تتكلم وتقول اذا حدث لها حاله اغتصاب حتى تاخذ حقها

الأغتصاب الجنسي . ‫اه بنت وبتكلم في الموضوع 
مش معني كدة أني معنديش حياء  في فرق بين ان موضوع بيتناقش

وبين اني قليلة الادب
لو واحدة حصلها حادثة الاغتصاب الجنسي .. من أكثر التعليقات اللي بسمعها من الناس " يا حول الله .. البنت مستقبلها اتدمر !"  .. ليه بنقول ان مستقبلها اتدمر ؟ سألت مرة السؤال ده لناس أكبر مني في السن و الخبرة .. كان ردهم "عشان مبقتش عذراء" .. "مش هتعرف تتجوز" .. "محدش بيقبل يتجوز واحدة مش بِكر" .. "عشان اتفضحت

ليه بنخلي البنت عاهرة بسبب حادثة حصلتلها ؟ ليه مبقتش شريفة ؟ ليه بقت فضيحة ؟ ليه بنحكم عليها بالاعدام الحي ؟ ليه بنقيس شرف البنت ب"غشاء البكارة" ؟ ليه بنحاسب الناس و نحكم عليهم بالعار الأبدي و كأننا اله ؟ احنا مجتمع تفكيره "عاهر" .. فطبيعي انه يشوف كل البنات عاهرات ..

في بلاد برة .. لو بنت حصلها حادثة اغتصاب , بيتم علاجها نفسياً و معنوياً و جسدياً .. و المتهم عقوبته بتبقى شديدة , هنا مينفعش تتكلم .. لازم تسكت و تتستر و تقبل بأي عريس يجيلها ان شالله يكون أكبر من أبوها .. لازم ترضى باللي يجيلها ..أصلها معيوبة ! يا وطن العك ..

ربنا "الله" يغفر للخطاء .. بيغفر للزاني .. بيغفر للقاتل .. بيغفر للكافر ! انتوا ك"خلق الله" قررتوا تعيبوا البنت الضحية و تحطوها تحت بند "العيب" . انكوا تصنفوها بالعيب ده لوحده "حرام" .. بس احنا مجتمع بيخاف من العيب أكتر من الحرام ! لو هي بالنسبة ليكوا عار .. كفاية عليا اني أكون عارفة ان ربنا شايفها انسانة .. ضحية .. كفاية اني أعرف ان ربنا لو مش هياخودلها حقها في الدنيا .. هياخدهولها في الآخرة من المتهم .. و من كل بني آدم حكم عليها بالموت الحي .. المُجتمع الشَرقي المتخلف

وبعدين هو الاغتصاب ده راجع من مين راجع من المجتمع بسلوكه السىء
وبعدم احترامه للبنت
هتعمل ايه بنت طيبه على نيتها حصلها اغتصاب مثلا تموت مثلا
لازم نفكر بعقل لازم مش نحكم على البنت المغتصبه بالاعدام لمجرد حاجه حلصت غصب عنها لازم نراعى مشاعر الاخرين لان ممكن تحصل لاختك اغتصاب ومتتكلمش فى متتكلمش ولا تحكم على بنت مغتصبه بالاعدام لمجرد ان حصلها حادثه غصب عنها